Masharti ya matumizi na sera ya faragha

1. Kukubali masharti

Kwa kutumia tovuti au app ya Hudumanet (“Hudumanet”, “sisi”) unakubali masharti haya na sera ya faragha hapa chini. Kama hukubaliani nayo, usitumie Hudumanet. Watoa huduma pia wanafungwa na Masharti ya watoa huduma na malipo.

2. Hudumanet ni nini

Hudumanet ni jukwaa la kutangaza na kutafuta huduma (mf. wapishi, wapambaji, mafundi, usafi). Sisi si mwajiri wala wakala wa mtoa huduma, na hatuhusiki na makubaliano, bei, ubora, muda au malipo ya kazi kati ya mteja na mtoa huduma, isipokuwa pale tunaposema wazi vinginevyo.

3. Akaunti

• Ili kuweka huduma lazima ufungue akaunti na uwe na umri wa miaka 18 au zaidi.
• Toa taarifa za kweli (jina, email, namba ya simu) na uzisasishe zikibadilika.
• Unawajibika na kila kinachofanyika kwenye akaunti yako. Linda nenosiri lako; tutakutumia email kila akaunti yako inapoingiwa.
• Tunaweza kusimamisha au kufunga akaunti inayovunja masharti haya.

4. Wateja

• Ili kuwasiliana na mtoa huduma unaandika jina lako, namba yako ya simu na ujumbe. Mtoa huduma utakayemwandikia ataona jina na namba hiyo ili akujibu.
• Hakikisha umeona huduma au bidhaa kabla ya kulipa. Usilipe mapema kwa mtu usiyemfahamu.
• Alama ya Verified inamaanisha tumethibitisha baadhi ya taarifa za mtoa huduma. Si dhamana ya ubora wa kazi.
• Ukipata shida na mtoa huduma, tujulishe kupitia mawasiliano yaliyo chini. Mazungumzo ya ndani ya app yanatusaidia kufuatilia malalamiko.

5. Watoa huduma

• Kila huduma hukaguliwa kabla ya kuonekana, kwa kawaida ndani ya saa 5 hadi 10. Tunaweza kukataa huduma na kukueleza sababu.
• Taarifa, picha na bei unazoweka lazima ziwe za kweli na ziwe zako au uwe na ruhusa ya kuzitumia.
• Jibu wateja kwa heshima na ndani ya muda unaofaa. Usimtake mteja alipe kabla ya kukubaliana kazi wazi.
• Kuonekana kwa huduma kunategemea tokens/kifurushi kama ilivyoelezwa kwenye masharti ya watoa huduma na malipo.

6. Ujumbe na simu ndani ya app

• Namba za simu na WhatsApp za watoa huduma hazionyeshwi hadharani. Mteja anaandika ujumbe kwanza, kisha anaweza kuendelea na mazungumzo, kupiga simu ndani ya app au kuhamia WhatsApp.
• Ujumbe wa ndani ya app huhifadhiwa. Wasimamizi wa Hudumanet wanaweza kuusoma pale tu inapohitajika kushughulikia malalamiko, udanganyifu au usalama.
• Simu za ndani ya app hupita moja kwa moja kati ya vifaa vyenu (WebRTC) na hazirekodiwi. Tunahifadhi tu nani alimpigia nani, lini na kwa muda gani.
• Usitumie ujumbe au simu kunyanyasa, kutapeli, kutuma matangazo yasiyotakiwa au kuomba taarifa za siri kama PIN au nenosiri.

7. Yaliyokatazwa

Ni marufuku kuweka au kutuma: maudhui ya ngono; huduma au bidhaa zinazovunja sheria za Tanzania; maudhui ya chuki, ubaguzi au udhalilishaji; taarifa za uongo au za kutapeli; picha au maandishi ya mtu mwingine bila ruhusa; virusi au programu hasidi. Tunaweza kuondoa maudhui hayo na kufunga akaunti bila kurudisha malipo, na inapobidi kutoa taarifa kwa mamlaka.

8. Hakimiliki

Nembo, muundo, maandishi na programu ya Hudumanet ni mali ya Hudumanet. Unabaki kuwa mmiliki wa picha na maelezo unayoweka, lakini unatupa ruhusa isiyo ya kipekee ya kuyaonyesha, kuyapunguza ukubwa na kuyatangaza ndani ya Hudumanet na kwenye matangazo yetu wakati huduma yako ipo.

9. Mipaka ya dhamana

Hudumanet inatolewa “kama ilivyo”. Tunajitahidi iwe inapatikana muda wote lakini hatuahidi kuwa haitakatika au haitakuwa na hitilafu. Kwa kiwango kinachoruhusiwa na sheria, hatuwajibiki kwa hasara inayotokana na kazi, malipo au mwenendo wa mteja au mtoa huduma. Jumla ya dhima yetu kwa mtoa huduma haitazidi kiasi alicholipa Hudumanet katika miezi 3 iliyopita.

10. Sera ya faragha

Tunakusanya:

• Taarifa za akaunti: jina, email, namba ya simu, nchi na mkoa.
• Taarifa za huduma: maelezo, picha, eneo, namba za mawasiliano za mtoa huduma (hazionyeshwi hadharani).
• Mawasiliano: jina na simu ya mteja anayeandika, ujumbe, na taarifa za simu za ndani ya app (si sauti).
• Matumizi: maneno yanayotafutwa, kurasa zinazofunguliwa, kitambulisho cha kipindi (session), anwani ya IP na aina ya kifaa wakati wa kuingia.
• Malipo: kifurushi, kiasi, namba ya kumbukumbu na hali ya malipo. Hatuhifadhi namba za kadi wala PIN.

Tunazitumia kuendesha Hudumanet, kukuunganisha na mtoa huduma, kukagua huduma, kuzuia udanganyifu, kukutumia taarifa muhimu kwa email, na kutengeneza takwimu. Watoa huduma wanaonyeshwa takwimu za jumla (mf. watu wangapi waliona huduma yao) na taarifa za wateja waliowaandikia wao tu.

Hatuuzi taarifa zako. Tunazishiriki tu na: mtoa huduma unayemwandikia; watoa huduma za kiufundi tunaowatumia (mf. email, malipo, tafsiri ya lugha) kwa kiwango wanachohitaji; na mamlaka pale sheria inapotutaka.

Muda wa kuhifadhi: taarifa za akaunti zinahifadhiwa akaunti ikiwa hai; ujumbe na takwimu hadi miaka 2; kumbukumbu za malipo kwa muda unaotakiwa na sheria za kodi.

Haki zako: unaweza kuomba kuona, kurekebisha au kufuta taarifa zako kwa kutuandikia info@hudumanet.com. Tutajibu ndani ya siku 30.

11. Vidakuzi (cookies) na lugha

Tunatumia vidakuzi muhimu kukuweka ndani ya akaunti, kulinda fomu na kukumbuka mazungumzo yako. Ukichagua lugha nyingine isiyo Kiswahili, tunatumia huduma ya tafsiri ya Google; maandishi ya ukurasa hutumwa kwa Google ili yatafsiriwe na Google inaweza kuweka vidakuzi vyake. Tafsiri ni ya mashine na inaweza kuwa na makosa; toleo la Kiswahili ndilo rasmi.

12. Mabadiliko na sheria

Tunaweza kubadilisha masharti haya. Mabadiliko makubwa tutayatangaza kwenye tovuti au kwa email angalau siku 14 kabla hayajaanza kutumika. Masharti haya yanaongozwa na sheria za Jamhuri ya Muungano wa Tanzania.

13. Wasiliana nasi

Hudumanet, Dar es Salaam, Tanzania
Email: info@hudumanet.com · Simu: +255742686572

Ilisasishwa 15 Oktoba 2026.