Masharti ya watoa huduma na malipo

1. Unacholipia

Kifurushi kinanunua muda wa huduma zako kuonekana kwa wateja kwenye Hudumanet: kwenye makundi, kwenye utafutaji, na wateja kuweza kukuandikia, kukupigia ndani ya app au kukutumia ujumbe wa WhatsApp. Hudumanet haikuhakikishii idadi fulani ya wateja wala kazi, kwa sababu hiyo inategemea mahitaji, eneo, bei na ubora wa huduma yako.

2. Free time (muda wa bure)

• Kila mtoa huduma mpya anapewa tokens 30 za bure mara moja tu kwa mtu mmoja.
• Kufungua akaunti nyingi ili kupata free time zaidi ni marufuku. Akaunti hizo zitafungwa.
• Free time ikiisha unachagua kama utaendelea kwa kulipia kifurushi. Hakuna malipo yanayokatwa yenyewe.

3. Tokens zinavyotumika

• Kila siku ambayo una angalau huduma moja iliyoidhinishwa, token 1 inakatwa, bila kujali una huduma ngapi.
• Siku ambazo huna huduma iliyoidhinishwa (mf. zote zinasubiri ukaguzi au zimekataliwa) tokens hazikatwi.
• Tokens zikifika 5 au chini, tunakutumia email ya onyo. Zikiisha tunakutumia email nyingine.
• Tokens zikiisha, huduma zako zinafichwa kwa wateja hadi ulipie. Huduma, picha na mazungumzo yako yanabaki salama na yanarudi kuonekana mara tokens zikiongezwa.
• Tokens hazihamishiki kwa mtu mwingine, hazibadilishwi kuwa pesa, na zinabaki kwenye akaunti yako hadi zitumike.

4. Vifurushi na bei

Bei zinazoonekana kwenye ukurasa wa Tokens & malipo wakati unalipa ndizo zinazotumika. Gharama za mtandao wa simu, benki au gateway ya malipo zinalipwa na mlipaji.

5. Jinsi ya kulipa

1. Ingia kwenye akaunti yako, fungua Tokens & malipo na uchague kifurushi.
2. Utapata namba ya kumbukumbu (reference). Lipia kupitia gateway ya malipo au kwa maelekezo yaliyoonyeshwa.
3. Malipo yakithibitishwa (yenyewe kupitia gateway, au na msimamizi), tokens zinaongezwa mara moja na unapata email ya uthibitisho.
4. Hifadhi ujumbe wa muamala (SMS au risiti) hadi tokens zako zionekane.

Lipa tu kupitia njia zinazoonyeshwa ndani ya akaunti yako. Hudumanet haitakuomba kamwe PIN yako wala kukutaka utume pesa kwa namba binafsi ya mtu.

6. Marejesho (refund)

Malipo yakishathibitishwa na tokens kuongezwa, hayarudishwi. Utarudishiwa pesa, au kuongezewa tokens sawa na kiasi hicho, katika hali hizi:

• Ulilipa lakini tokens hazikuongezwa ndani ya saa 48 na hatukuweza kuzi­ongeza baada ya kutujulisha.
• Ulilipa mara mbili kwa reference moja, au ulikatwa kiasi kikubwa kuliko bei ya kifurushi.
• Ulilipa kabla huduma yako ya kwanza kuidhinishwa, na hatukuidhinisha huduma yoyote ndani ya siku 14. Ukirekebisha huduma iliyokataliwa unaituma tena bila malipo ya ziada.

Omba marejesho ndani ya siku 30 tangu kulipa kwa kutuma reference na ujumbe wa muamala kwenda info@hudumanet.com. Marejesho yanafanyika kupitia njia uliyolipia ndani ya siku 14 baada ya kukubaliwa. Akaunti iliyofungwa kwa kuvunja masharti haipati marejesho ya tokens zilizobaki.

7. Wateja na mawasiliano

• Namba zako za simu na WhatsApp hazionyeshwi hadharani. Mteja anakuandikia kwanza ndani ya Hudumanet. Unapata email na unaona jina na namba yake kwenye Ujumbe.
• Mteja akichagua WhatsApp, ujumbe wake unaanza na “nimekupata kupitia Hudumanet” ili ujue mteja huyo ametoka kwetu.
• Tumia namba za wateja kwa ajili ya kazi waliyouliza tu. Usizitumie kwa matangazo mengine wala usizitoe kwa mtu mwingine.
• Jibu ujumbe na simu kwa wakati. Watoa huduma wasiojibu mara kwa mara wanaweza kupangwa chini kwenye matokeo.

8. Takwimu na ripoti

Hudumanet inahesabu ni watu wangapi waliona huduma yako kwenye utafutaji, waliofungua ukurasa wako, na waliokuandikia au kukupigia. Unaona muhtasari kwenye Huduma zangu, na tunaweza kukutumia ripoti kwa email. Takwimu hizi ni makadirio ya matumizi halisi; hazijumuishi wasimamizi, wewe mwenyewe wala roboti za mtandao.

9. Kusimamishwa kwa huduma au akaunti

Tunaweza kuficha huduma au kufunga akaunti inayovunja masharti ya jumla, kwa mfano huduma za udanganyifu, kuchukua malipo bila kufanya kazi, au malalamiko mengi ya wateja yaliyothibitishwa. Kwa kawaida tutakujulisha kwa email na sababu. Kwa udanganyifu au hatari kwa wateja tunaweza kuchukua hatua mara moja.

10. Mabadiliko ya bei

Tunaweza kubadilisha bei za vifurushi kwa kutangaza angalau siku 14 kabla. Tokens ulizonazo tayari haziathiriwi na mabadiliko ya bei.

11. Malalamiko kuhusu malipo

Tuandikie info@hudumanet.com au piga +255742686572 ukiwa na reference ya malipo. Tutajibu ndani ya siku 3 za kazi. Kama hatutaelewana, mgogoro utashughulikiwa kwa mujibu wa sheria za Jamhuri ya Muungano wa Tanzania.

Ilisasishwa 15 Oktoba 2026.